وانەی 5 لە 67

وانەی ٥: دێڕی نوێ و هێڵی ئاسۆیی <br> و <hr>

ناوەڕۆکی ئەم وانەیە بەشی ١: توخم(Element)ی <br> بەشی ٢: توخم(Element)ی <hr>

بەشی ١: توخم(Element)ی <br>

لە وانەی ڕابردوودا بینیمان کە کرتەکردن لەسەر Enter لە کۆدنوسەکەدا دێڕێکی نوێ لە لاپەڕەکەدا دروست ناکات. بەڵام ئەگەر بمانەوێت دێڕێکی نوێ دروست بکەین بەبێ ئەوەی پەرەگرافێکی نوێ دەست پێبکەین، چی بکەین؟ بۆ ئەوە توخمی <br> بەکاردەهێنین. «br» کورتکراوەی breakـە، واتە بڕین.
ئەمە لەناو <body> بنووسە:
<p>
  چایخانە<br>
  شەقامی باخ، ژمارە ١٢<br>
  هەموو ڕۆژێک کراوەیە
</p>

هەر <br>یەک دێڕەکە کۆتایی پێدەهێنێت و دێڕێکی نوێ دەست پێدەکات.

 سەرنج بدە کە <br> ناوەڕۆک و تاگی کۆتایی نییە. وەک <meta>، ئەویش توخمی بەتاڵ (Void element)ـە.

هەڵەیەکی باو: چەند <br>ێک لەسەر یەک دابنێیت بۆ دروستکردنی بۆشایی لەنێوان پەرەگرافەکان. بۆ ئەوە <p>ی نوێ بەکاربهێنە.

بەشی ٢: توخم(Element)ی <hr>

توخمی دووەم <hr>ـە. هێڵێکی ئاسۆیی بەسەر لاپەڕەکەدا دەکێشێت و بۆ جیاکردنەوەی بابەتێک لە بابەتێکی تر بەکاردێت. «hr» کورتکراوەی horizontal ruleـە، واتە هێڵی ئاسۆیی.
<hr> یش توخمی بەتاڵە، بۆیە تاگی کۆتایی نییە. کاتێک بەکاری بهێنە کە گۆڕانکارییەکی ڕاستەقینە لە بابەتدا هەبێت، نەک تەنها بۆ ڕازاندنەوە.



توخمی دووەم <hr>ـە. هێڵێکی ئاسۆیی بەسەر لاپەڕەکەدا دەکێشێت و بۆ جیاکردنەوەی بابەتێک لە بابەتێکی تر بەکاردێت. «hr» کورتکراوەی horizontal ruleـە، واتە هێڵی ئاسۆیی.
<h2>چای ڕەش</h2>
<p>چای ڕەش تامێکی بەهێز و ڕەنگێکی تۆخی هەیە.</p>

<hr>

<h2>چای سەوز</h2>
<p>چای سەوز سووکترە و زۆرجار تامێکی تازە و کەمێک تاڵی هەیە.</p>

<hr> یش توخمی بەتاڵ (Void element)ـە، بۆیە تاگی کۆتایی نییە. کاتێک بەکاری بهێنە کە گۆڕانکارییەکی ڕاستەقینە لە بابەتدا هەبێت، نەک تەنها بۆ ڕازاندنەوە.

پوختە:
  • <br> دێڕێکی نوێ لەناو پەرەگرافێکدا دەست پێدەکات.
  • <hr> هێڵێکی ئاسۆیی دەکێشێت بۆ جیاکردنەوەی بابەتەکان.
  • هەردووکیان توخمی بەتاڵن(Void element)، بۆیە ناوەڕۆک و تاگی کۆتاییان نییە.
ڕاهێنان:

بە <br> ناونیشانێکی سێ دێڕیی خۆت بنووسە، و <hr>ێک لەنێوان دوو بەشی لاپەڕەکەتدا دابنێ.

نموونە

html
<!DOCTYPE html>
<html lang="ckb" dir="rtl">
  <head>
    <meta charset="UTF-8">
    <title>چایخانە</title>
  </head>
  <body>
    <h1>چایخانە</h1>

    <h2>چای ڕەش</h2>
    <p>چای ڕەش تامێکی بەهێز و ڕەنگێکی تۆخی هەیە.</p>

    <hr>

    <h2>چای سەوز</h2>
    <p>چای سەوز سووکترە و زۆرجار تامێکی تازە و کەمێک تاڵی هەیە.</p>

    <hr>

    <p>
      چایخانە<br>
      شەقامی باخ، ژمارە ١٢<br>
      هەموو ڕۆژێک کراوەیە
    </p>
  </body>
</html>
خۆت تاقی بکەرەوە ↗

ئەنجام

چوونەژوورەوە بۆ پاشەکەوتکردنی پێشکەوتنت لە فێربووندا.